Մինսկում ԱՊՀ երկրների ղեկավարների եւ Բարձրագույն եվրասիական տնտեսական խորհրդի նիստերի օրակարգը ձեւավորված է, հաղորդում է Բելառուսի նախագահի մամուլի ծառայությունը:
Հաղորդագրությունում նշվում է, որ այս մասին Ալեքսանդր Լուկաշենկոյին զեկուցել են երկրի վարչապետ Միխայիլ Մյասնիկովիչը եւԵվրասիական տնտեսական հանձնաժողովի անդամ Սերգեյ Ռումասը, հաղորդում է «ՌԻԱ նովոստին»:
Բարձրագույն եվրասիական տնտեսական խորհրդի նիստը, երկրի ղեկավարների մակարդակով, տեղի է ունենալու հոկտեմբերի 10-ին, Մինսկում: Նույն օրը, ըստ ԱՊՀ գործադիր կոմիտեի տվյալների, Մինսկում տեղի կունենա ԱՊՀ երկրների ղեկավարների խորհրդի նիստը:
Ըստ Ռումասի, Բարձրագույն եվրասիական տնտեսական խորհրդի նիստի օրակարգում ընդգրկված է 13 հարց: