ԵԽԽՎ-ն բանաձեւ է ընդունել ԵԽ անդամ երկրների պարտավորությունների կատարման մոնիթորինգի վերաբերյալ, որտեղ մոնիթորինգների ընթացակարգերում փոփոխություններ է մտցրել:
ԵԽ-ին անդամագրվելիս երկրները պարտավորություններ են ստանձնել, որոնց կատարումը ամենամյա մոնիթորինգի է ենթարկվում: Այդ պարտավորությունները կատարելուն զուգահեռ երկիրը կամ մնում էր մոնիթորինգի տակ, կամ դառնում մոնիթորինգային մեխանիզմի մի մասը:
ԵԽԽՎ-ում ընդունված փաստաթղթում նշվում է, որ «Մոնիթորինգի ներքո չգտնվող ԵԽ անդամ երկրի պարտավորություններին հետեւելը երաշխավորելու համար, հանձնաժողովը պարբերաբար ստուգումներ կանցկացնի», հաղորդում է «ՌԻԱ նովոստին»:
«Ավելին, որպես լրացուցիչ միջոց, ըստ երկրների մոտեցման շրջանակներում, հանձնաժողովը թեմատիկ մոնիթորինգ կանցկացնի»,-նշվում է փաստաթղթում: Հետագայում պարբերաբար ստուգումների ճակատագիրը կորոշի մոնիթորինգային կամիտեն:
Ներկայումս մոնիթորինգի տակ են 10 երկրներ՝ Ալբանիան, Հայաստանը, Ադրբեջանը, Բոսնիա եւ Հերցոգովինան, Վրաստանը, Չեռնոգորիան, Մոլդովան, Ռուսաստանը, Սերբիան եւ Ուկրաինան: