Շատ հավանական է, որ մոտ ապագայում Հայաստանը կանդամակցի Մաքսային միությանը: Այս մասին այսօր` հոկտեմբերի 2-ին, ՀՀԿ Գործադիր մարմնի նիստից հետո լրագրողների հետ զրույցում ասաց Ազգային ժողովի փոխնախագահ, ՀՀԿ մամուլի խոսնակ Էդուարդ Շարմազանովը:
«Հոկտեմբերի տասին Հայաստանի նախագահը մեկնում է Բելառուսի մայրաքաղաք Մինսկ: Մենք շատ հավանական ենք համարում, որ շատ մոտ ապագայում մենք կանդամակցենք Մաքսային Միությանը»,- ասաց Շարմազանովը:
Նշենք, որ այսօր կառավարությունը հավանության է արժանացրել ԵՏՄ-ին անդամակցելու ծրագիրը: Նախատեսվում է, որ հոկտեմբերի տասին Մինսկում կստորագրվի ԵՏՄ-ին միանալու պայմանագիրը: