Թուրքիան եւ «Իսլամական պետությունը» ընդանուր շահեր ունեն՝ նավթը, քրդերի եւ Սիրիայի նախագահ Բաշար Ասադի դեմ պայքարը: Այդ մասին այսօր՝ հոկտեմբերի 11-ին, մամուլի ասուլիսի ժամանակ հայտարարեց թուրքագետ Գեւորգ Պետրոսյանը:
Նրա խոսքով՝ չնայած Թուրքիան եւ ԻՊ-ն արտաքնապես իրենց ներկայացնում են՝ որպես հակառակորդները, որոշակի ներքին հարցերում նրանք համագործակցում են: «Իսլամական պետությունը» իր գերիշխանությունն է հաստատել տարածքներում, որտեղ կան շատ նավթային ռեսուրսներ, որոնք էլ վերջիններիս ապահովում են խոշոր դրամական միջոցներով, իսկ այդ նավթն արդեն վաճառվում է Թուրքիային, բացի այդ վերջինս արտահանվում է Թուրքիայի տարածքով: Թուրքիայի եւ ԻՊ-ի համար ընդհանուր շահ է քրդերի դեմ պայքարը, քանի որ երկու կողմերի համար քրդերը թիրախ են», - նշեց Գեւորգ Պետրոսյանը:
Ինչ վերաբերում է Բաշար Ասադի դեմ պայքարում ընդհանուր շահերին, նա ընդգծեց, որ ԻՊ-ն Ասադին դիտարկում է՝ որպես թշնամի, իսկ թուրքական կողմը մշտապես փորձում է ԱՄՆ-ի գլխավորած կոալիցիան ուղղել Սիրիայի նախագահի դեմ: