«ԽՍՀՄ-ի տարածքում Հոլոքոստի պատմությունը» ձեռնարկը կնպաստի, որպեսզի Հայաստանի համար Երկրորդ աշխարհամարտի ընթացքում նացիստական Գերմանիայի կողից իրականացված Հոլոքոստի թեման ավելի ըմբռնելի լինի, եւ առաջին հերթին, կրթական գործընթացում: Այդ մասին այսօր՝ հոկտեմբերի 18-ին, Հայոց ցեղասխպանության ինստիտուտ-թանգարանում նշված գրքի շնորհանդեսի ժամանակ հայտարարեց «Հոլոքոստ» կենտրոնի համանախագահ, Ռուսաստանի պետական հումանիտար համալսարանի պրոֆեսոր Իլյա Ալտմանը:
«Գիրքը, որը մենք տպագրեցինք 2012թ.-ին եւ որը հետսովետական տարածքում Հոլոքոստի պատմության մեջ առաջին անգամ երաշխավորվեց կրթության նախարարության կողմից, տպագրվում է այստեղի մայրենի լեզվով: Հայաստանում Ցեղասպանության դասավանդման հսկայական փորձ է կուտակվել: Այդ գրքի տպագրությունը երկու երկրներին ողբերգությունները միմյանց կապող պատմական տեղեկությունների, մեթոդների փոխադարձ հարստացման առաջին փուլն է», - նշել է Իլյա Ալտմանը:
Նրա խոսքով՝ Օսվենցիմը տաբեր ազգությունների մարդիկ են ազատագրել: «Հավանաբար, դրանց մեջ հայեր են եղել, եկեք ավելի շատ խոսենք այդ մասին: Այս սրահում ինձ արդեն հայերի կողմից հրեաների փրկության մասին պատմություններ են պատմում: Ուստի այսօրվա շնորհանդեսը շատ կարեւոր իրադարձություն է մեզ համար», - ընդգծեց Իլյա Ալտմանը:
