Վրաստանի ՆԳ նախկին նախարար եւ նախկին վարչապետ Վանո Մերաբիշվիլին դատապարտվել է երեք տարվա ազատազրկման՝ Սանդրո Գիրգվլիանիի սպանության գործով: Այս մասին հաղորդում է «Գռուզիա online»-ը:
Մերաբիշվիլիին արգելված է պաշտոն զբաղեցնել առաջիկա երկու տարում:
«Ինչ վերաբերում է Վալերիան Մետրեվելիին, ով մեղադրվում էր Գիրգվլիանիի ընկերներին ծեծելու մեջ, նա դատապարտվել է 4,5 տարվա ազատազրկման եւ 2 հազար լարի տուգանքից»,-հայտնում է աղբյուրը:
Մեղադրյալ Գերոնտի Ալանիան, որը թաքնվում է քննությունից, դատապարտվել է 4,5 տարվա ազատազրկման եւ 2 հազար լարի տուգանքից, նա եւս չի կարող պաշտոն զբաղեցնել 2 տարի երեք ամիս ժամկետում:
