Նոր Նորքի 2-րդ զանգվածում 22-ամյա Լ. Խ.-ն ցած է նետվել 2-րդ հարկի պատշգամբից ընտանեկան խնդիրների պատճառով: Այս մասին հայտնեցին NEWS.am-ի աղբյուրները:
Մեր տեղեկություններով՝ աղջիկը վերջերս է ամուսնացել, տնային տնտեսուհի է: Ընտանիքում լուրջ խնդիրների պատճառով էլ նա որոշել է ինքնասպան լինել:
Ավելի վաղ NEWS.am-ը հայտնել էր, որ Նոր Նորքի 2-րդ զանգվածում 22-ամյա Լ. Խ.-ն հոկտեմբերի 29-ի երեկոյան ցած է նետվել 2-րդ հարկի պատշգամբից: NEWS.am-ի թղթակցի հետ զրույցում «Սուրբ Գրիգոր Լուսավորիչ» բ/կ-ի Վերակենդանացման բաժանմունքի ղեկավար Գագիկ Մանուկյանն ասել էր, թե նա ընդունվել է իրենց մոտ հոկտեմբերի 29-ի երեկոյան:
Աղջկա մոտ առկա է նախադաստակների կոտրվածք, կզակի վնասվածք-վերք, բայց գիտակցությունը տեղն է: Աղջկա արյան մեջ ալկոհոլի տոկոսը 1,3 է: