Իսպանիայի առողջապահության նախարար Անա Մատոն հրաժարական է տվել կոռուպցիոն սկանդալի պատճառով, որում ներգրավված է եղել իր նախկին ամուսին Խեսուս Սեպուլվեդան:
Ավելի վաղ Իսպանիայի ազգային դատարանի դատավորը խոստովանել է, որ Անա Մատոն «օգուտ է ստացել» ապօրինի գործարքներից: Նրա կարծիքով՝ նախարարը կարող էր օգտվել փողերից, որոնք նրա ամուսինն ստացել է որպես կաշառք «ատկատներով» եւ համալրել ընտանեկան բյուջեն, հաղորդում է Reuters-ը:
Կոռուպցիայի սկանդալային գործի հետաքննությունը՝ կապված երկրում իշխող Ժողովրդական կուսակցության հետ, սկսվել դեռեւս 2007-ին: Այդ գործով անցնում է 43 մարդ, այդ թվում Անա Մատոյի նախկին ամուսինը, Պոսուելո դե Ալարկոնի նախկին քաղաքապետը:
Մատոն հայտարարելով իր հրաժարականի մասին, նշել է, որ ինքն ամբաստանյալ չէ, իրեն մեղադրանք չի առաջադրվել, եւ որ ինքը տեղյակ չի եղել նման հանցագործությունների մասին: