Հանրապետական խմբակցությունում այսօր՝ նոյեմբերի 27-ին, ժամը 13.00-ին, նախատեսված է քննարկում Հայաստանի՝ ԵՏՄ անդամակցության պայմանագրի շուրջ: NEWS.am-ի թղթակցի հետ զրույցում խմբակցության քարտուղար Հովհաննես Սահակյանն ասաց, որ ԵՏՄ անդամակցության պայմանագիրը նախ քննարկվել է երեք հանձնաժողովում, առաջնահերթ որպես գլխադասային՝ Տնտեսական հարցերի հանձնաժողովում եւ տրվել է դրական եզրակացություն, այնուհետեւ այն քննարկվել կամ քննարկվելու է Արտաքին հարաբերությունների եւ պետաիրավական հարցերի մշտական հանձնաժողովներում: Դրանից հետո այսօր խմբակցությունում ՀՀԿ-ականներին կներկայացվի պայմանագիրը, քննարկումների արդյունքները, քանի որ կան անձինք, որոնք վերանշյալ որեւէ հանձնաժողովում ընդգրկված չեն:  ՀՀԿ խմբակցության նիստին կմասնակցեն նաեւ այդ հարցը ԱԺ-ում զեկուցող անձինք: