UNICEF (United Nations Children's Fund) կազմակերպությունը ցնցել է գեյմերներին՝ ներկայացնելով Video Games United խաղը. այն Հարավային Սուդանից մի փոքրիկ աղջնակի կյանքի պատմություն է, հայտնում է TJournal-ը:
Բեմդուրս գալով հաղորդավարը պատմել է, որ հանդիսատեսին ներկայացվելու է պատերազմի ժամանակ ողջ մնալու հմտություններով խաղ՝ «Էլիկայի փախուստը»:
Լսարանն առաջին անգամ ցնցվել է, երբ հաղորդավարը հայտարարել է, որ նախագծում գլխավոր հերոսուհու դերում հանդես է գալիս յոթնամյա մի աղջիկ: Խաղն սկսվում է, երբ նրա մայրը մահանում է խոլերայից, իսկ եղբայրը զոհվում է՝ փորձելով ընտանիքը պաշտպանել զինված մարդկանցից: Էլիկային հաջողվում է փախչել, որից հետո նա հյատնվում է փախստականների ճամբարում, որտեղ չկա սնունդ եւ հագուստ, եւ նա ստիպված է մարմնավաճառությամբ զբաղվել՝ սնունդ հայթայթելու համար:
Հաղորդավարի բացահայտումներից հետո մի քանիսը լքել են դահլիճը, հետո բեմ է դուրս եկել սեւամորթ մի աղջիկ՝ Մարի Մալիկ անունով. Վերեւում շարադրվածը նրա կյանքի պատմությունն էր: Նա հանդիսատեսին հայտնել է, որ Սուդանի երեխաները նման ողբերգություն վերապրում են ամեն օր, եւ ներկաներին կոչ է արել խնդրի մասին պատմել շրջապատող մարդկանց:
Ցուցահանդեսից տեսագրությունն արվել է օգոստոսին՝ Վաշինգթոնի VGU ցուցահանդեսում, սակայն դրա հրապարակումը տեղի է ունեցել Սուդանում 2013 թ. դեկտեմբերին ռազմական կոնֆլիկտ սկսվելու տարելիցին: Այդ ժամանակահատվածում շուրջ 750 հազար երեխա հարկադրված փոխել է բնակության վայրը, շուրջ 320 հազարը հայտնվել են փաստականների ճամբարում, 400 հազարը զրկվել դպրոց գնալու հնարավորությունից, 12 հազարը օգտագործվել է զինված ուժերում՝ ռազմական գործողությունների ժամանակ:
Նման գործողությունը բնորոշ չէ UNICEF-ին, սակայն կազմակերպությունը որոշել է, որ այդ մատուցմամբ իր փաստարկներն ավելի համոզիչ կլինեն: Բռնության նկատմամբ գրեթե անտարբեր խաղացողների կարծիքով անգամ տեսախաղի համար է սա չափօց դուրս, ուր մնաց թե իրական կյանքում:
