Հայաստանում ԵՄ-ի պատվիրակությունը մոտ 10 մլն եվրո է հատկացրել Հայաստանում իրագործվելիք 1 նախագծերի համար: Պայմանագրերի ստորագրման արարողությունը տեղի է ունեցել այսօր՝ դեկտեմբերի 18-ին՝ Երեւանում ԵՄ-ի պատվիրակության գրասենյակում (ֆոտոռեպորտաժ):
Պայմանագրերը արծարծում են երկկողմ եւ տարածաշրջանային համագործակցության տարբեր ոլորտներ՝ սկսած գյուղատնտեսությունից՝ վերջացրած աղքատության մակարդակի կրճատմամբ:
Իր ողջույնի խոսքում Հայաստանում ԵՄ-ի դեսպան Տրայան Քրիստեան ընդգծել է, որ Հայաստանը ԵՄ-ի համար ելակետային գործընկեր է: «ԵՄ-ն հավատարիմ է Հայաստանի հետ հետագա փոխգործակցությանը եւ ընդհանուր արժեքների վրա հիմնված փոխադարձ հետաքրքրություն ներկայացնող ոլորտներում երկկողմ հարաբերությունների ուժեղացմանը», - հայտարարել է դեսպանը:
Բացի այդ, նախագծերի օգնությամբ հնարավոր կլինի նվազագույնի հասնել Շիրակի մարզում տնտեսական եւ սոցիալական խնդիրները, զարգացնել կայուն տուրիզմ, Վայոց Ձորում նպաստել էկոլոգիական մեղվաբուծությանը, իսկ Իջեւանում, Բաղանիսում եւ Ոսկեւանում՝ հասարակական ծառայությունների բարելավմանը:
