Բահրեյնի երկու քաղաքացիները ձերբակալվել են Կահիրեի օդանավակայանում, երկրից հնարժեք իրեր դուրս բերելու փորձ կատարելիս: Վերջիններիս ուղեբեռում մաքսայինները հայտնաբերել են Եգիպտոսի թագավորներ Ֆարուկի եւ Ֆուադի պատկերներով 1918թ. հատված մետաղադրամներ, 1881թ. թվագրված փաստաթղթեր, Պաղեստինի վրա ռազմական արշավանքների մասին գրքեր, ինչպես նաեւ 1838թ. տպագրված գրքեր, Պաղեստինի եւ Սիրիայի հնագույն քարտեզներ եւ Ղուրանի հազվագյուտ նմուշներ:
Հատուկ հանձնաժողովը հաստատել է առգրավված իրերի բսիկությունն ու հատուկ արժեքավորությունը, հաղորդում է «ՌԻԱ Նովոստին»:
Ձերբակալված ուղեւորները հայտարարել են, որ այդ հնությունները ձեռք են բերել հարազատներին նվիրելու նպատակով: Սակայն մաքսայինները կարծում են, որ ձերբակալել են հնավաճառների: