Հավաքական անվտանգության պայմանագրի կազմակերպության (ՀԱՊԿ) անդամ-պետությունների ղեկավարների հերթական գագաթնաժողովի շրջանակներում Երեւան կժամանի Ռուսաստանի նախագահ Դմիտրի Մեդվեդեւը:

Ինչպես հայտնել է ՀԱՊԿ գլխավոր քարտուղար Նիկոլայ Բորդյուժան, այդ մասին պայմանավորվածությունը ձեռք է բերվել Ռուսաստանի եւ Հայաստանի նախագահներ Դմիտրի Մեդվեդեւի եւ Սերժ Սարգսյանի միջեւ:

Ծրագրվում է, որ Մեդվեդեւը կայցելի Հայստան պետական այցով օգոստոսի երկրորդ կեսին: ՀԱՊԿ կազմում ընդգրկված են Հայաստանը, Բելառուսը, Ղազախստանը, Ղըրղզստանը, Ռուսաստանն ու Տաջիկստանը: