ԱՄՆ Կալիֆորնիա նահանգի Գլենդել քաղաքում բնակվող երեք կանայք խոստովանել են, որ ապօրինի ճանապարհով Մեքսիկայի տարածքով ՀՀ քաղաքացիներ են տեղափոխել ԱՄՆ։ Այս մասին գրում է Los Angeles Times-ը։

Սան Դիեգոյի դաշնային դատարանի նիստի ժամանակ 42-ամյա Վարդուհի Ավագյանը, 40-ամյա Մերի Ավետիսյանն ու 57-ամյա Մարիա Յանակոպուլոսը իրենց մեղավոր են ճանաչել միջազգային  հանցագործ խմբավորման անդամ լինելու մեջ։ Կազմակերպությունը 18 հազար դոլարով օտարերկրյա քաղաքացիներին անօրինական ճանապարհով տեղափոխում էր ԱՄՆ։

Կանանցից յուրաքանչուրին սպառնում է առավելագույն պատիժ՝ 3 տարվա ազատազրկում եւ 250 հազար դոլար տուգանք։ Դատավճիռը կհրապարակվի մասիսի 11-ին։

Հիշեցնենք, որ Սան Դիեգոյի դատախազությունը հանցագործ խմբավորման անդամներին մեղադրում էր ՀՀ քաղաքացիներին 18 հազար դոլարով ապօրինի կերպով ԱՄՆ տեղափոխելու մեջ։  Քաղաքացիները մեկնում էին Մոսկվա, այնտեղից Մեքսիկայի Կանկուն քաղաք, որտեղից նրանց տեղափոխում էին Տիխուանա, ուր նրանց էին հանձնում ուրիշի միգրացիոն փաստաթղթերը։