![](img/news/25/44/73/default.jpg)
Թուրքական զինուժի կողմից օրեր առաջ Սիրիայում Սուլեյման Շահի դամբարանի տեղափոխման հետ կապված նոր մանրամասն է հայտնի դարձել։
Ինչպես տեղեկացնում է Ստամբուլի հայկական «Ակոս»-ը, հայտնի է, որ Թուրքիայի զինված ուժերը տեղի քրդական զինված կառույցի զինյալների հետ համատեղ Սուլեյման Շահի մասունքները տեղափոխել են Թուրքիայի հետ սահմանակից Էշմեի շրջան։
Պարզվել է, որ այն վայրը, որտեղ թուրքերը սկսել են կառուցել Սուլեյման Շահի համար նոր դամաբարան, 1915-ին եղել է հայերի «մահվան» ճանապարհը։ Այսինքն, այստեղով են դեպի Դեր Զորի անապատները դեպի մահվան տարել հարյուրհազարավոր հայերի։