Բրիտանացի խորհրդարանի անդամները նոր ֆինանսական տարում կզրկվեն անվճար թեյից, թխվածքաբլիթից եւ հարկատուների հաշվին տաքսի պատվիրելու հնարավորությունից: Այս մասին ասված է Խորհրդարանի ստանդարտների վերահսկողության անկախ հանձնաժողովի (IPSA) կայքում տեղադրված հաղորդագրությունում: Նորամուծությունը պայմանավորված է մայիսին նախանշված ընտրություններից հետո միջոցներ խնայելու անհրաժեշտությամբ:
«Մենք սահմանափակումներ եւ փոփոխություններ կմտցնենք կանոններում, որոնք համաձայնեցվել են 2013 թվականի դեկտեմբերին եւ վերաբերում են նաեւ սննդի սուբսիդավորմանը եւ հյուրերի ընդունման արարողակարգին: Մենք կխստացնենք հյուրանոցներից եւ տաքսիներից օգտվելու կանոնները: Մենք այլեւս հեռուստատեսային արտոնագրերի եւ սեփական տների ապահովագրության վճարման հայտեր չենք ընդունի»,- ասված է հրապարակված փաստաթղթում:
Ըստ Gazeta-ի, փաստաթղթում նշվում է, որ «խորհրդարանականներին կարգելվի թխվածքաբլիթ եւ թեյ պահանջել, պետության հաշվին մինչեւ 23:00-ն տաքսի պատվիրել»:
Խորհրդարանի անդամների աշխատավարձերը կսառեցվեն. չեղյալ է հայտարարվել աշխատավարձը 10%-ով ավելացնելու ծրագիրը:
Ներկայում բրիտանացի խորհրդարանականների աշխատավարձը կազմում է տարեկան 67 հազար ֆունտ սթեռլինգ:
