![](img/news/25/59/92/default.jpg)
Ադրբեջանի ոստիկանությունը ընդհատել է Դասական ժողովրդական ճակատ կուսակցության խորհրդակցությունը։ Ինչպես գրում է Turan գործակալությունը, վկայակոչելով կուսակցության փոխնախագահ Խազար Թեյուբի հայտարարությունը, խորհրդակցությունը ընթանում էր տեղի ակտիվիստներից մեկի բնակարանում։ Սակայն ժամանել են ոստիկանները, որոնք մեղադրել են ընդդիմադիրներին «ապօրինի գործունեության» համար։ Ոստիկանները փորձել են ձերբակալել Թեյուբին եւ կուսակցության մյուս անդամներին։
Սակայն հետո ոստիկանները գրի են առել խորհրդակցության մասնակիցների անունները, հեռացել եւ թույլ տվել նրանց ավարտին հասցնել խորհրդակցությունն ու ցրվել։