Եվրամիությունը պետք է անվտանգության քաղաքականություն վարի ոչ թե Ռուսաստանի դեմ, այլ նրա հետ։ Այս մասին մարտի 30-ին Հելսինկիում հայտարարել է Գերմանիայի կանցլեր Անգելա Մերկելը։
Մերկելը նաեւ նշել է, որ Ռուսաստանի դեմ ԵՄ ընդունած պատժամիջոցները ազդում են բոլոր երկրների վրա, փոխանցում է ՏԱՍՍ-ը։
«Ռուսաստանը չի պաշտպանում ընդհանուր մոտեցման սկզբունքը։ Այդ պատճառով մենք որոշել ենք համաձայնեցնել մեր գործողությունները եւ տնտեսական պատժամիջոցներ կիրառել։ Թեեւ դրանք ազդեցություն են ունենում բոլոր երկրների վրա»,- նշել է կանցլերը։
Միաժամանակ Մերկելը հավելել է, որ Եվրամիությունը պետք է անվտանգության քաղաքականություն վարի ոչ թե ՌԴ-ի դեմ, այլ նրա հետ։ «Երբ ավարտվեց Սառը պատերազմը, եւ ԽՍՀՄ-ը դադարեց գոյություն ունենալ, մենք Ռուսաստանին շարունակում էինք դիտարկել որպես գործընկեր։ Փորձել ենք համագործակցել նրա հետ տնտեսական ոլորտում, մենք փոխադարձ կախվածություն ունենք էներգետիկ ռեսուրսների մատակարարման ոլորտում։ Սակայն ինչը փոխվեց այն բանից հետո, երբ մենք տեսանք Վրաստանում եւ Արեւելյան Ուկրաինայում կատարվող դեպքերը»,- եզրափակել է Անգելա Մերկելը։
