ԵՏՄ օդանավակայաններում «դյութի ֆրիի» հարցը քննարկվում է։ Այս մասին մարտի 30-ին Երեւանում «Եվրասիական տնտեսական միության շուկան առանց խոչընդոտների» խորագրով քննարկման ժամանակ լրագրողներին հայտնեց ՀՀ փոխվարչապետ, միջազգային ինտեգրացիայի եւ բարեփոխումների նախարար Վաչե Գաբրիելյանը։
«Կարգավորումները դեռ ամենուր չեն ավարտվել։ Մնացել են մի շարք հարցեր, ինչպես դասակարգել ուղեւորներին, ովքեր են մեկնում տարանցիկ չվերթով, ովքեր՝ ներքին ուղղություններով։ Օդանավակայանի թղթաբանությունը ամենաարագը չէ։ Սակայն հարցը քննարկվում է, եւ ես կարծում եմ, որ ժամանակին կլուծվի»,- հայտարարել է Գաբրիելյանը։
Հիշեցնենք, որ ավելի վաղ Հայաստանի խորհրդարանի ընդդիմադիր ուժերը բարձրացրել էին հարցը, թե ինչու ԵՏՄ երկրներից ժամանող ուղեւորները Հայաստանում կարող են օգտվել «դյութի ֆրից», բայց հակառակը՝ ոչ։
