Միայն մակրոտնտեսական կայունության չափորոշիչները եվրասիական ապագա արժույթի համար բավարար չեն։ Այդ մասին NEWS.am-ին թղթակցի հարցին պատասխանելով Երեւանում հայտարարել է Միասնական տնտեսական հանձնաժողովի հիմնական ուղղություններով ինտեգրման եւ մակրոտնտեսության հարցերով կոլեգիայի անդամ (նախարար) Տատյանա Վալովայան՝ «Եվրասիական տնտեսական միության շուկան առանց խոչընդոտների» խորագրով քննարկման ժամանակ։
Այդ առումով Եվրասիական միությունը հանգամանալից ուսումնասիրում է Եվրոպական միության փորձը, ընդգծել է նա։ «ԵՄ-ն միասնական արժույթ է ներդրել, ապա սկսեց անել բաներ, որոնք մինչ այդ պիտի աներ՝ Բանկային միություն, Կայունության եւ աճի պայմանագիր (SGP) ե այլն։ Այսինքն, միայն չափորոշիչներն անբավարար են, պետք է ավելին անել։ Ի դեպ, մեր պայմանագրում կան չափորոշիչներ, որոնք նման են Մաաստրիխտին։ Բայց կարծում եմ՝ միասնական արժույթի մասին իրական քննարկման համար ավելին պիտի անենք»,- ասել է Վալովայան։
