Վատիկանի Սուրբ Պետրոս տաճարում եկեղեցական պատարագին ներկա կլինեն հայկական քրիստոնեական եկեղեցիների հոգեւոր առաջնորդները: Այս մասին գրում է իտալական La Stampa-ն:
Պատարագին մասնակցելու են Ամենայն Հայոց Գարեգին II կաթողիկոսը, Մեծի Տանն Կիլիկիո Արամ I կաթողիկոսը, ինչպես նաեւ հայ կաթոլիկ պատրիարք Ներսես Պետրոս XIX-ը:
Եկեղեցական հիշատակի միջոցառումների գագաթնակետը կլինի Հայոց ցեղասպանության զոհերին կոլեկտիվ կերպով սրբերի շարքը դասելը, որը տեղի կունենա ապրիլի 23-ին, Էջմիածնում: Պատարագը կմատուցի Գարեգին 2-րդ կաթողիկոսը, իսկ իրենց ներկայությունն արդեն հաստատել են 38 քրիստոնեական եկեղեցիների եւ կազմակերպությունների ներկայացուցիչներ, այդ թվում՝ էկումենիկ:
Նույն օրը, ժամը 19:15-ին՝ 1915 թվականի խորհրդանիշը, ամբողջ աշխարհի, այդ թվում՝ Թուրքիայի Հայ Առաքելական բոլոր եկեղեցիներում զանգերը կհնչեն 100 անգամ:
