Ուկրաինան մերժել է Վրաստանին արտահանձնել այդ երկրի նախկին նախագահ Միխայիլ Սահակաշվիլիին: Այս մասին հայտնում է Ուկրաինայի գլխավոր դատախազության մամուլի ծառայությունը:
«Ուկրաինայի գլխավոր դատախազությունն ավարտել է Վրաստանի արդարադատության նախարարության հայցով Միխայիլ Սահակաշվիլիին արտահանձնելու վերաբերյալ ստուգումների անցկացումը»,- նշվում է հաղորդագրությունում:
Հաղորդվում է, որ ստուգումների արդյունքում Ուկրաինայի գլխավոր դատախազությունը եկել է եզրակացության, որ Սահակաշվիլիին արտահանձնելու հայցի նպատակը քաղաքական դրդապատճառներով քրեական հետապնդումն է:
Ավելի վաղ հաղորդվել էր, որ Վրաստանի նախկին նախագահ Միխայիլ Սահակաշվիլին հայտարարել էր, որ պատրաստ է վերադառնալ Վրաստան, որպեսզի նորից ընտրությունների ճանապարհով գա իշխանության: Նրա խոսքով՝ Վրաստանի կառավարությունը «երկիրը հասցրել է աղքատության շեմին»:
