Վրաստանի բնակչության միայն 26 տոկոսն է ցանկանում, որ նախագահության իր ժամկետն ավարտվելուց հետո, Միխայիլ Սահակաշվիլիին դառնա երկրի վարչապետ: Դա է ցույց տվել Ազգային դեմոկրատական ինստիտուտի (NDI) կողմից անցկացրած հարցումը, որն անցկացվել է հունիսի 24-ից հուլիսի 5-ը եւ որին մասնակցել է 2 035 մարդ ամբողջ Վրաստանում:
Սահակաշվիլին ֆրանսիական «Լե մոնդ»-ին տված հարցազրույցում կարծիք է հայտնել, որ ինքը կմտածի վարչապետության մասին իր նախագահության ժամկետի ավարտից հետո: Սահակաշվիլիի վարչապետ դառնալուն դեմ է արտահայտվել հարցվածների 32 տոկոսը: 16 տոկոսի համար միեւնուն է. Սահակաշվիլին կդառնա վարչապետ, թե` ոչ, իսկ 23 տոկոսն էլ դիրքորոշում չունի այդ հարցում:
Չնայած դրան, հարցվածների 47 տոկոսը կողմ է ուժեղ նախագահական կառավարման: Ուժեղ վարչապետ ունենալուն կողմ է ընդամենը 4 տոկոսը, եւս 31 տոկոսը պատասխան չունեն այդ հարցին:
