Թուրքիայի ընդդիմադիր «Ժողովրդա-հանրապետական» (CHP) կուսակցության կողմից պատգամավորի թեկնածու առաջադրված հայազգի Սելինա Օզուզուն Դողանի դեմ կուսակցության ներսում դժգոհություններ են առաջացել։
Թուրքական Yeni Akit պարբերականի փոխանցմամբ՝ CHP-ի որոշ գործիչների մոտ անհանգստություն է առաջացրել Սելինա Օզուզուն Դողանի կողմից առաջին հարցազրույցում Ցեղասպանության մասին հայտարարությունները, իսկ որոշ կուսակցականներ պահանջում են հայ թեկնածուի հրաժարականը։ Նշենք, որ Սելինան հայտարարել էր, թե 1915-ին տեղի ունեցած ողբերգությունը Թուրքիայում այսօր էլ շարունակվում է։
CHP-ն Սելինա Օզուզուն Դողանին պատգամավորի թեկնածու է առաջադրել Ստամբուլի 2-րդ ընտրատարածքից՝ նրան տալով առաջին հորիզոնականը, այսինքն՝ հայ թեկնածուն անցողիկ տեղում է գտնվում։