Հայաստանի ՏԿԱԻՆ-ում, այսօր՝ ապրիլի 20-ին, ժամը 08.00-ին ահազանգ է ստացվել, որ Զովունի-Եղվարդ ավտոճանապարհին՝ «Անի» կաթնամթերքի գործարանի մոտակայքում, տեղի է ունեցել ավտովթար, կան տուժածներ. անհրաժեշտ է փրկարարների օգնությունը:
Դեպքի վայր են մեկնել ՃԿԱԿ ՕԽ-ն, ՀՆՓԱԻԿ փրկարար ջոկատը եւ մեկ մարտական հաշվարկ:
Պարզվել է, որ «ՎԱԶ 2109» մակնիշի 34 FZ 126 պ/հ ավտոմեքենան (վարորդ` 27-ամյա Ռ. Գ.) դուրս է եկել ճանապարհի երթեւեկելի գոտուց, գլորվել եւ ուղղված դիրքով կանգնել, տուժածներ չկան:
Հրշեջ-փրկարարները հոսանքազրկել են ավտոմեքենան եւ փակել գազի փականը:
