Նավթի համաշխարհային գները կարող են նվազել մինչեւ 40 դոլար մեկ բարելի դիմաց։ Նման կարծիք է հայտնել ՌԴ Ֆինանսների փոխնախարար Մաքսիմ Օրեշկինը, փոխանցում է «ՌԻԱ Նովոստի»-ն։
«Ռիսկերը դեռ մնում են, քանի որ մենք տեսնում ենք, որ մարտին նավթի պահանջարկը շուկայում աճեց։ Պաշարները նույնպես աճ են գրանցել։ Նավթի ավելցուկ առանց այդ էլ կա, եւ դա կարող է աճել։ Այդ ժամանակ գինը դժվար կլինի պահել»,- ասել է փոխնախարարը։
Օրեշկինը չի բացառել, որ 2016թ. Ռուսաստանի ՀՆԱ-ն կաճի 1.5-2.5 տոկոսով, սակայն հնարավոր է նաեւ բացասական գործոններով պայմանավորված այլ զարգացում։
