Հայոց ցեղասպանության 100-ամյակի համառուսական հանձնաժողովի ծրագրի շրջանակներում Ռուսաստանի քաղաքներում մի շարք միջոցառումներ են անցկացվում, որոնց մասնակցում են բազմաթիվ մարդիկ։  «Ռուսաստանի հայ երիտասարդության կոնգրեսը» «Ռուս-հայկական համագործակցություն» կազմակերպության հետ համատեղ Մոսկվայի Գորկու անվան կենտրոնական մշակույթի զբոսայգում  անցկացրել է «Անմահ հոգիներ» ակցիան եւ 1500 փուչիկ օդ բաց թողել՝ ի հիշատակ Ցեղասպանության անմեղ զոհերի։

Փուչիկներին լուսային դիոդներ են կցված եղել, որոնք օդում լուսարձակել են՝ խորհրդանշելով ցեղասպանության ժամանակ զոհվածների անմահ հոգիները։

Մոսկվայում տեղի ունեցած ֆլեշ մոբին զուգահեռ՝ նման միջոցառումներ են ընթացել Ռուսաստանի նաեւ այլ քաղաքներում։