Թուրքիան համառորեն չի ճանաչում Հայոց ցեղասպանությունը, գրում է սերբական «E-novine» պարբերականը:
«Թուրքիայում հայ համայնքի առաջին ներկայացուցիչը, ով դարձել է երկրի վարչապետի խորհրդական, Էթյեն Մահչուփյանը, հեռացվել է պաշտոնից, քանի որ հայտարարել է, որ Օսմանյան Կայսրությունում հայերի սպանությունները ցեղասպանություն էր: Մահչուփյանը նախորդ տարի էր նշանակվել վարչապետ Ահմեդ Դավութօղլուի խորհրդական, որն իր այդ հայտարարությամբ կատաղեցրել է իշխող «Արդարություն եւ զարգացում» կուսակցության շատ անդամների: Եթե Բոսնիայում եւ Աֆրիկայում տեղի ունեցած իրադարձությունները համարենք ցեղասպանություն, ապա անհնար է, որ 1915-ին հայերի հետ տեղի ունեցածը չկոչվի ցեղասպանություն»,-հայտարարել է Մահչուփյանն իր հարցազրույցներից մեկում:
Եվրախորհրդարանը դեռեւս 1987-ին Առաջին համաշխարհային պատերազմի տարիներին հայերի սպանությունները հայտարարել է ցեղասպանություն, այն տերմինով, որն օգտագործել է Հռոմի Պապ Ֆրանցիսկոսը եւ որը կատաղեցրել է Անկարային, թեեւ եվրոպացի խորհրդարանականները ողջունել են կաթոլիկ եկեղեցու առաջնորդի քայլը»,-նշել է պարբերականը:
