![](img/news/26/32/40/default.jpg)
Թուրքիայի վարչապետ Ահմեդ Դավութօղլուն հայտարարել է, թե ապրիլի 24-ին Պոլսո հայոց պատրարքարանի կողմից նախատեսված պատարագին նախարար է մասնակցելու։
Թուրքական Kanal 24-ի հետ հարցազրույցում անդրադարձել է Հայոց ցեղասպանության հետ կապված թեմային՝ հայտարարելով, որ 1915-ի հետ կապված ապրիլի 24-ին Պոլսո հայոց պատրիարքարանի կողմից նախատեսվող պատարագին թուրքական կառավարությունը նախատեսում է մասնակցել նախարարի մակարդակով։
Դավութօղլուն կրկին պնդել է, թե աշխարհը պետք է երկու կողմի ցավերը կիսի։
Նշենք, որ ապրիլի 23-ի երեկոյան, 19։15-ին աշխարհի բոլոր հայկական եկեղեցիների զանգերը 100 անգամ ղողանջելու են բացի Ստամբուլի եկեղեցիներից։ Պոլսո հայոց պատրիարքարանում ապրիլի 24-ին պատարագ է լինելու, սակայն «ընդհանուր ցավի» համար։