Ռուսաստանի պետդուման կարող է ապրիլի 24-ին Հայոց ցեղասպանության 100-րդ տարելիցի առթիվ հայտարարություն ընդունել: Այս մասին ՏԱՍՍ-ին հայտնել է Պետդումայի ԱՊՀ-ի, եվրասիական ինտեգրման եւ հայրենակիցների հետ կապերի հարցերով հանձնաժողովի նախագահ Լեոնիդ Սլուցկին:
Նրա խոսքով, փաստաթղթի տեքստը պատրաստում է իրենց հանձնաժողովը: «Կառաջարկենք հայտարարությունն ընդունել ապրիլի 24-ին»,-հստակեցրել է նա:
Սլուցկին նշել է, որ հայտարարության նախագծում, մասնավորապես, Պետդուման խորը ցավակցություն է հայտնում եղբայրական Հայաստանին՝ Հայերի ցեղասպանության 100-րդ տարելիցի առթիվ, ինչպես նաեւ այլ ժողովուրդներին, որոնք տուժել են Առաջին համաշխարհային պատերազմի ժամանակ ողբերգական իրադարձությունների ընթացքում»:
«Մենք համարում ենք, որ պատմության բարձ հարցերն անհրաժեշտ է լուծել խաղաղ միջոցներով, այդ թվում դիվանագիտական ջանքերով՝ հանուն երկրագնդում կայուն խաղաղության եւ անվտանգության հաստատման»,-ամփոփել է Սլուցկին:
