![](img/news/26/33/42/default.jpg)
Ռուսաստանի եւ Թուրքիայի նախագահները քննարկել են Վլադիմիր Պուտինի՝ ապրիլի 24-ին Երեւան կատարելիք այցը: Այս մասին հայտնել է ՌԴ նախագահի խորհրդական Յուրի Ուշակովը:
«Այս թեմայով զրույց է տեղի ունեցել երկու երկրների առաջնորդների միջեւ: Էրդողանին քաջ հայտնի է Պուտինի՝ Հայաստան այցելելու պլանների մասին»,-լրագրողներին հայտնել է Ուշակովը: Նա նշել է, որ Թուրքիայի նախագահին «քաջ հայտնի է, որ մեր երկիրը բավական բարձր մակարդակով ապրիլի 24-ին ներկա կլինի Թուրքիայում (Գալիպոլիի ճակատամարտի 100-ամյակի տոնակատարությանը), մեր պատվիրակությունը կգլխավորի Պետդումայի նախագահ Սերգեյ Նարիշկինը»:
Ավելի վաղ Կրեմլում արդեն հայտարարել էին, որ Պուտինի Երեւան այցելությունը Թուրքիայի բացասական արձագանքի համար պատճառ չի կարող լինել, հաղորդում է «Ինտերֆաքսը»: