![](img/news/26/36/76/default.jpg)
Միջերկրական ծովով դեպի Եվրոպա ապօրինի ներգաղթյալ տեղափոխող նավերի գրավման եւ ոչնչացման՝ ԵՄ ծրագրված գործողությունը կարող է իրականացվել միայն միջազգային իրավունքի շրջանակներում, այսինքն՝ ՄԱԿ ԱԽ բանաձեւի հիման վրա, հայտարարել է Ֆրանսիայի նախագահ Ֆրանսուա Օլանդը։
«Անհրաժեշտ է համոզել Անվտանգության խորհրդի բոլոր անդամներին, մասնավորապես մշտական անդամներին։ Այս գիշեր ես ուղեւորվում եմ Հայաստան՝ մասնակցելու Հայոց ցեղասպանության 100-րդ տարելիցի միջոցառումներին։ Հանդիպելու եմ ՌԴ նախագահ Վլադիմիր Պուտինին։ Մենք բազում թեմաներ ենք քննարկելու, դուք դրանք գիտեք, եւ ես նրան պատմելու եմ, թե ինչ է Եվրոպան մտադիր ներկայացնել Անվտանգության խորհրդին»,- ասել է Օլանդը երեկ՝ ապրիլի 23-ի երեկոյան Բրյուսելում կայացած ասուլիսում, հաղորդում է «Ինտերֆաքսը»։