Հայոց ցեղասպանությունը մեկ ժողովրդի ողբերգություն չէ։ Այն սարսափելի եւ, ցավոք, չսերտված դաս է ողջ մարդկության համար։ Այդ մասին Facebook-ի իր էջում գրել է Ուկրաինայի ներքին գործերի նախարար Արսեն Ավակովը, որն իր գրառումը վերնագրել է «Ցավդ տանեմ»։
«Առ այսօր ոչ մի երկիր եւ ոչ մի ժողովուրդ երաշխավորված չէ ողբերգության կրկնությունից։ Հենց այդ պատճառով էլ կարեւոր է պետական մակարդակով ճանաչել Հայոց ցեղասպանության։ Թեկուզ 100 տարի անց դատապարտել հանցագործությունը, հռչակել ցանկացած հակամարտության վեճի նման «լուծման» անթույլատրելիությունը, ստանձնել քաղաքական պարտավորություններ»,- գրել է Ավակովը։
«Այսօր՝ 2015 թ. ապրիլին, ողբերգական իրադարձությունների հարյուրամյակի րը Եվրախորհրդարանըհռչակել է ցեղասպանությւոնների զոհերի հիշատակի եվրոպական օր։ Եվրոպան հիշում է մեկուկես միլիոն զոհերին, խոշտանգված, սովից մահացած մարդկանց, որոնց միակ մեղքը մարդասպանների առջեւ «սխալ» ազգությունն ու «սխալ» հավատքն էր։
Եկեք մենք էլ տանենք հայ ժողովրդի ցավը, որ ողբերգությունը երբեք չկրկնվի»,- կոչ է արել Ավակովը։
