Նախագահ Սերժ Սարգսյանն անձամբ է ընտրել 7-ամյա Թաթուլ Համբարձումյանին, որպեսզի նա Ծիծեռնակաբերդի հուշահամալիրում այսօր՝ ապրիլի 24-ին, պաշտոնական միջոցառման ժամանակ կատարի «Դլե յաման» ստեղծագործությունը։ Այս մասին NEWS.am-ի հետ զրույցում ասաց Թաթուլ Համբարձումյանի հայրը՝ Կարեն Համբարձումյանը։
«Մեզ Տիգրան Հեքեքյանը զանգահարեց, ասաց, որ նախագահը իր կատարումը լսել է Երաժշտական ակադեմիայի բացման ժամանակ, եւ ցանկություն է հայտնել, որ Ծիծեռնակաբերդում ապրիլի 24-ին կատարի «Դլե յամանը»»,-ասաց նա։
Արման Համբարձումյանը պատմեց, որ Թաթուլը 5 տարեկանից ընդունվել է Մեծամորի Շառլ Ազնավուրի արվեստի դպրոց՝ դուդուկի բաժին։
«5 տարեկանում Թաթուլը մասնակցել է «Վերածնունդ» միջազգային փառատոնին, ոսկե մեդալակիր է դարձել, նաեւ մասնակցել է բազմաթիվ միջոցառումների, դուդուկ եւ զուռնա է նվագել»,-ասաց Կարեն Համբարձումյանը։
Թաթուլի հայրը նշեց, որ որդու երազանքն է դառնալ լավ դուդուկահար։