Հայաստանի ֆրանսիական համալսարանի ուսանողներին այսօր՝ ապրիլի 24-ին, հանդիպել է Ֆրանսիայի նախագահ Ֆրանսուա Օլանդը եւ նրանց հետ զրուցել հայ-ֆրանսիական հարաբերությունների, Հայաստանում ֆրանսերեն լեզվի զարգացման շուրջ: Այս մասին NEWS.am-ի թղթակցին հայտնեցին հանդիպմանը մասնակցած ուսանողները:
«Որպես հայ-ֆրանսիական համալսարանի ուսանողուհի՝ մեծ պատիվ էր հանդիպել Ֆրանսիայի նախագահի հետ: Հանդիպումը շատ լավ է անցել, նա շատ անմիջական էր: Նախագահը խոսեց հայ-ֆրանսիական հարաբերությունների զարգացման եւ ապագայում սպասվող ծրագրերի մասին»,- ասաց ուսանողուհիներից մեկը:
Հանդիպմանը ուսանողները տվել են նաեւ Հայոց ցեղասպանության վերաբերյալ հարցեր:
Ավելի վաղ տեղեկացրել էինք, որ Ֆրանսիայի նախագահ Ֆրանսուա Օլանդին ուղեկցել է Հայաստանի ԿԳ նախարար Արմեն Աշոտյանը: Ֆրանսիայի նախագահը հանդիպել է համալսարանի ուսանողներին ու պրոֆեսորադասախոսական անձնակազմին: