![](img/news/26/40/70/default.jpg)
Գիտնականները գնահատել են Չեռնոբիլի կրկնության հնարավորությունը: Ըստ նրանց, առաջիկա տասնամյակներում Ֆուկուսիմայի եւ Չեռնոբիլի կրկնության հավանականությունը 50% է:
Շվեյցարացի եւ դանիացի գիտնականները բազմակողմանի վերլուծության են ենթարկել 1946 թվականից սկսած աշխարհի բոլոր ատոմային կայաններում հայտնի վթարների եւ միջադեպերի փաստերը:
Սփենսեր Ուիթլիի ղեկավարությամբ գիտնականները որոշել են չհենվել ՄԱԳԱՏԷ-ի տվյալների վրա եւ վթարների սեփական ցանկն են կազմել: Այդ վարկանիշում նրանք առաջարկել են հենվել ոչ թե արտանետումների, այլ վթարի հետեւանքները վերացնելու արժեքի վրա:
Ըստ Газета-ի, գիտնականների հաշվարկներով, Ֆուկուսիմայի վթարի հետեւանքով վնասը կազմել է 166 մլրդ դոլար. դա ամբողջ աշխարհի ատոմային էներգետիկայի վթարներից վնասի 60%-ն է կազմում:
«50% հավանականությամբ Ֆուկուսիման կկրկնվի առաջիկա 50 տարիների ընթացքում, Չեռնոբիլը՝ 27 տարիների»,- եզրակացրել են գիտնականները: