Ապրիլի 26-ին, ժամը 02.30-ին, հիվանդանոցից ոստիկանության Եղեգնաձորի բաժնում հաղորդում է ստացվել, որ անգիտակից վիճակում իրենց մոտ են տեղափոխվել 28-ամյա Զավեն Գ.-ն եւ 23-ամյա Արսեն Հ.-ն:
Ոստիկանության մամուլի ծառայությունից հայտնում են, որ ձեռնարկված միջոցառումների շնորհիվ պարզվել է, որ Զավեն Գ.-ն ապրիլի 25-ին, ժամը 22.30-ի սահմաններում, Խաչիկ գյուղում ծխելու միջոցով օգտագործել է իր կողմից կանեփի թփերից պատրաստված թմրամիջոց, որից հյուրասիրել է Արսեն Հ.-ին եւ առաջարկել 25-ամյա Արթուր Ա.-ին: Հետեւանքը եղել է այն, որ Զավեն Գ.-ն եւ Արսեն Հ.-ն անգիտակից վիճակում տեղափոխվել են հիվանդանոց:
Զավեն Գ.-ից, Արսեն Հ.-ից եւ Արթուր Ա.-ից վերցվել են բացատրություններ:
Նշանակվել է տոքսիկոքիմիական փորձաքննություն:
Կատարվում է հետաքննություն:
