Միջազգային տիեզերական կայանի տիեզերանավում անկշռության պայմաններում եփել են խմել են իսկական իտալական էսպրեսո։

Դա հնարավոր է դարձել վերջերս ուղեծիր բարձրացրած յուրահատուկ սրճեփի շնորհիվ։ Թվում է, մանրուք է, սակայն տիեզերքում սուրճ եփելը մեծ ջանքեր եւ առաջատար տեխնոլոգիաներ է պահանջում։

Տիեզերական էսպրեսոն թե՛ բույրով, թե՛ համով շատ նման է ստացվել երկրայինին։ Սուրճը համտեսել են ռուս տիեզերագնացներ Գենադի Պադալկան, Միխայիլ Կորնիենկոն, Անտոն Շկապլերովն ու ամերիկացիներ Սքոթ Քելին եւ Թերի Վերսթը։

Սրճեփը ոչ միայն քմահաճույք է, այլ նաեւ փորձագիտական հետազոտության առարկա, որը թույլ է տալիս առավել լավ հասկանալ, թե ինչպես են իրենց պահում հեղուկ մարմինները անկշռության պայմաններում։