![](img/news/26/52/78/default.jpg)
Ամերիկյան Կոլորադոյից ուսանող Ռոջեր Հենրին 3D տպիչով կրիայի համար պատյանի պրոթեզ է տպել:
Պրոթեզի համար նա կենսաբանորեն քայքայվող պլաստիկ է օգտագործել, իսկ դրա նախատիպի մոդելավորման եւ ստեղծման համար Ռոջերը շուրջ 600 ժամ է ծախսել:
Այն նախատեսված է Կլեոպատրա անունով կրիայի համար, որը սխալ սնվելու հետեւանքով վնասել է իր «զրահը»: Ըստ Ռոսբալտի, եթե չլինեին ժամանակակից տեխնոլոգիաների հնարավորությունները, կրիան երկար կյանք չէր ունենա:
S2 կայքի փոխանցմամբ, ներկայում Կլեոպատրային այնպիսի սնունդ են տալիս, որը պետք է նպաստի նրա պատյանի վերականգնմանը: Շուրջ 4 տարի անց պրոթեզի տակ առողջ պաշտպանիչ ծածկույթ կձեւավորվի, եւ հնարավոր կլինի կենդանուն ազատել պրոթեզից: