Թուրքական մամուլում կրկին ծանր են տարել Լյուքսեմբուրգի խորհրդարանի կողմից Հայոց ցեղասպանության ճանաչման որոշումը՝ այն շոկային որակելով:
Թուրքական Dunya gazetesi կայքը գրել է, որ եւս մեկ երկիր 1915-ը կոչեց Ցեղասպանություն:
Թուրքական CNNturk-ը եւս մեծ տեղ է հատկացրել հիշյալ լուրին՝ շեշտելով, որ Լյուքսեմբուրգի խորհրդարանը 1915-ին տեղի ունենացածը անվանել է Ցեղասպանություն:
Իշխանամետ Yeni Safak պարբերականը գրել է, թե Լյուքսեմբուրգի խորհրդարանում սկանդալային որոշում է կայացվել: Պարբերականը հիշեցրել է, որ Լյուքսեմբուրգի խորհրդարանում Հայոց ցեղասպանության ճանաչման որոշման մեջ նշվել է, թե այն Թուրքիայի դեմ թշնամական քայլ չէ:
Թուրքական Milliyet-ը եւս գրել է թեմայի մասին՝ նշելով, որ Լյուքսեմբուրգի խորհրդարանը 1915-ը ճանաչեց որպես ցեղասպանություն, սակայն շնորհակալություն են հայտնեց Դավութօղլուին եւ Էրդողանին՝ հայերի թոռներին ցավակցելու համար:
Թուրքական Internethaber-ն այս լուրը վերնագրել է. Մեծ շոկ Թուրքիայի համար:
