ՌԴ-ն ու Թուրքիան «Իգլա»-ի հիմքով փոքր հեռավորության հրթիռային համակարգի համատեղ նախագիծ են ստեղծել։ Այս մասին հայտարարել է «Ռոսոբորոնէքսպորտի» գլխավոր տնօրենի խորհրդական Անատոլի Ակսենովը։
«Մենք թուրքական ընկերության հետ նրանց խնդրանքով փոքր հեռավորության մեր հրթիռային համալիրը պատրաստել ենք նրանց պլատֆորմի վրա»,- հայտարարել է Ակսենովը, գրում է «ՌԻԱ Նովոստի»-ն։
Համալիրի մարտավարական եւ տեխնիկական բնութագրերի մասին ոչինչ չի հաղորդվում։
Ստամբուլում մայիսի 5-8-ը ընթանում է IDEF-2015 պաշտպանական արդյունաբերության ցուցահանդես։
