Greenpeace-ը քննադատել է նորվեգական կառավարության՝ Շպիցբերգենի արշիպելագի շելֆում նավթի արդյունահանման ծրագիրը:
Բնապահպանական կազմակերպության հաղորդագրության համաձայն, Նորվեգիան աճուրդի է հանել Բարենցի ծովի հյուսիս-արեւելյան հատվածում երեք նավթային գոտի, որը կոչվում է «շպիցբերգենյան քառակուսի»:
«Դա բացարձակ նոր տարածք է նորվեգական արդյունաբերության համար: Երկիրը երբեք այդքան հեռավոր հյուսիսում նավթ չի արդյունահանել»,- հաղորդել է Greenpeace-ը: Բնապահպանները նաեւ հավելել ոն, որ Շպիցբերգենը յուրահատուկ կարգավիճակ ունի, սակայն Նորվեգիան չի ճանաչում արշիպելագում սեփական շելֆի առկայությունը՝ այն համարելով երկրի շելֆի շարունակություն:
Ըստ «Ինտերֆաքս»-ի, նավթային գոտիների բաժանման մասին Նորվեգիայի կառավարության որոշումը, բնապահպանների կարծիքով, վկայում է Արկտիկայի բնության պահպանման շուրջ իր պարտականություների հանդեպ երկրի իշխանությունների անպատասխանատու վերաբերմունքը:
1920 թվականին ստորագրված Շպիցբերգենյան տրակտատն ամրագրել է արշիպելագի նկատմամբ Նորվեգիայի ինքնիշխանությունը, սակայն պայմանագրի բոլոր մասնակիցները՝ ավելի քան 50 պետություններ, դրա ռեսուրսների շահագործման հավասար իրավունքներ ունեն:
