Եվրասիական տնտեսական միության ռազմական եւ ռազմատեխնիկական համագործակցության հարցերը մնում են Հայաստանի օրակարգում։ Այս մասին մայիսի 25-ին հայտարարեց ՀՀ պաշտպանության նախարար Սեյրան Օհանյանը՝ պատասխանելով այն հարցին, թե ԵՏՄ-ին միանալուց հետո Հայաստանը պաշտպանության առումով ինչ առավելություններ է ստացել։
«Մեր առջեւ դրված խնդիրները հնարավոր չէ հաջողությամբ իրականացնել առանց արտաքին գործընկերների հետ համագործակցության, այդ թվում՝ այն խոշոր երկրների, որոնց հետ մենք արդեն աշխատում ենք։ Այն խնդիրները , որոնց վրա աշխատելը մենք նախատեսում էինք ԵՏՄ շրջանակներում, պահպանում են իրենց արդիականաությունը»,- նշեց Օհանյանը։