Նախագահ Սերժ Սարգսյանը պատրաստ է ընդունել հոսանքի թանկացման դեմ բողոքող 3-4 ակտիվիստների, եթե մյուսները չգնան դեպի նախագահի նստավայր եւ վերադառնան Ազատության հրապարակ: Այս մասին այսօր՝ հունիսի 22-ին, երթի մեկնարկին հավաքվածներին ասաց Երեւանի փոխոստիկանապետ Վալերի Օսիպյանը: (ֆոտոռեպորտաժ)
Օսիպյանն ասաց, որ իրեն այդ մասին փոխանցել է ոստիկանապետ Վլադիմիր Գասպարյանը, սակայն ակտիվիստները հրաժարվեցին ընդունել առաջարկը եւ շարունակում են շարժվել դեպի Բաղրամյան 26:
NEWS.am-ի թղթակիցը հաղորդում է, որ Գրողների միության մոտ ոստիկանները մի քանի շարք կազմած, պաշտպանական վահաններով պատ են կազմել, տարածքում մի քանի հարյուր ոստիկան կա եւ բազմաթիվ ոստիկանական մեքենաներ: Երթի մասնակիցներն այժմ շարժվում են նրանց ընդառաջ:
