Հայոց ցեղասպանության թանգարան- ինստիտուտը հուլիսի 12-ին իր մասով կմասնակցի «Ոսկե ծիրան» փառատոնի բացման արարողությանը։ Այս մասին հուլիսի 7-ին կայացած մամուլի ասուլիսի ժամանակ հայտարարեց թանգարանի տնօրեն Հայկ Դեմոյանը։
Նրա խոսքով՝ փառատոնի բացման ժամանակ կցուցադրվեն էքսկլյուզիվ նմուշներ։ «Օգոստոսի 1-ին Հայոց ցեղասպանության թանգարան-ինստիտուտում տեղի կունենա նոր պարբերականի շնորհանդես, եւ կկայանա նոր աննախադեպ ցուցադրություն, որը կոչվում է «Հայկական մարզական կյանքը նախքան Ցեղասպանությունը»,- նշեց Դեմոյանը՝ հավելելով, որ ցուցադրությունը պայմանավորված է Համահայկական խաղերով, որին մասնակցելու համար Հայաստան կժամանեն մոտ 4000 մարզիկ։
