Alaska Airlines-ի աշխատակիցները կորցրել են իրենց գլխավոր տնօրեն Բրեդլի Թիլդենի ուղեբեռը։  Դա պատահել է անցյալ շաբաթ, սակայն լրատվամիջոցները դրա մասին միայն հիմա են գրում։ 

Նշանակալի է, որ ամերիկյան ավիաընկերությունը այնքան վստահ է ուղեբեռի տեղ հասցման իր համակարգին, որ դարձել է աշխարհում առաջին փոխադրողը, որը երաշխավորում է ուղեբեռի տեղ հասնելը  20 րոպեում։ Եթե ընկերության անձնակազմը չի կարողանում գլուխ հանել առաջադրանքից,ուղեւորը  25 դոլարի վարկ է ստանում, որը կարող է օգտագործել հաջորդ թռիչքի ընթացքում կամ էլ ստանում է 2,5 հազար մղոն բոնուսային ծրագրի շրջանակում։

Դրա համար էլ հավանաբար Թիլդենը շփոթվել է, երբ Վաշինգթոնում ավիացիոն գագաթնաժողովի ընթացքում խոստովանել է, որ  Alaska Airlines-ը սխալ է թույլ տվել։ Գործարարի ուղեբեռը տեղ է հասցվել հաջորդ օրը։      «Այստեղ մամուլի ներկայացուցիչներ կան, եւ ես հույս ունեմ, որ դու քչեք գրի եւ չեք հրապարակի դա», – ժպտալով հայտարարել է Թիլդենը։ Ընդ որում, ընկերության գլխավոր տնօրենը չի ճշտել, թե ստացե՞լ է արդյոք իրենց հասնող փոխհատուցումը։  Ավելին, նա հայտարարել է, որ 25 տարի առաջ Alaska Airlines-ը մի անգամ արդեն կորցրել էր իր ուղեբեռը, հաղորդում է Gazeta.ru-ն։