ՌԴ Կենտրոնական ռազմական օկրուգի պաշտոնական ներկայացուցիչ Յարոսլավ Ռոշուպկինը հայտնել է, որ Ռուսաստանը ուղղաթիռներ կտեղափոխի Տաջիկստանի 201-րդ ռազմաբազա։ Այս մասին գրում է ՏԱՍՍ-ը։
«Ձեւավորված ավիախումբը կտեղակայվի Տաջիկստանի Գիսարի շրջանում՝ Դուշանբեից 30 կմ հեռավորության վրա գտնվող Այնի օդանավակայանում»,- հայտարարել է Ռոշուպկինը։
Նա նշել է, որ ստորաբաժանման կազմում ընդգրկված են Մի-24Պ հարվածային ուղղաթիռներ եւ մարտական-ուղեւորատար Մի-8ՄՏՎ ուղղաթիռներ։