![](img/news/28/97/63/default.jpg)
ՀՀ կառավարությունը ձեռնպահ է մնացել ծառայողական պարտականություններ կատարելիս վնասվածք ստացած զինծառայողներին բուժօգնություն տրամադրելու մասին «Օրինաց երկիր» կուսակցության առաջարկած օրինագծին միանշանակ հավանություն տալուց։ «Զինծառայողների եւ նրանց ընտանիքների սոցիալական ապահովության մասին» օրենքում առաջարկվող փոփոխությունների համաձայն՝ առաջարկվում է անհրաժեշտության դեպքում արտասահմանում պետական բյուջեի հաշվին բուժում ապահովել ծառայության ժամանակ (ընդ որում ոչ միայն հակառակորդի գործողություններից) վնասվածք ստացած զինծառայողների համար։
Կառավարությունը որպես հակափաստարկ է ներկայացրել բյուջետային սուղ միջոցները եւ առաջարկել է սահմանափակվել ներկայիս ռեժիմով, որն անվճար բուժում է առաջարկում միայն մարտական հերթապահության ժամանակ կամ հակառակորդի գործողություններից վիրավորվելու դեպքում։