![](img/news/29/03/77/default.jpg)
Ղրղզստանի պաշտպանության նախարարի նկատմամբ քրեական գործ է հարուցվել՝ պաշտոնեական դիրքը չարաշահելու եւ վատնումների մեղադրանքով։ Այդ մասին հաղորդել են Ազգային անվտանգության պետական կոմիտեի մամուլի ծառայությունից, տեղեկացնում է «ՌԻԱ Նովոստին»:
«ԱԱՊԾ-ի հակակոռուպցիոն ծառայությունը հանրապետության Ռազմական դատախազության հետ միասին օպերատիվ-որոնողական միջոցներ է ձեռնարկել, որի ընթացքում բացահայտվել է կոռուպցիոն կայուն մի համակարգ պաշտպանության նախարարությունում բյուջետային միջոցների անօրինական օգտագործման վերաբերյալ», — ասվում է հաղորդագրության մեջ։
Հետաքննության տվյալներով, բարձրաստիճան պաշտոնատար անձինք Պաշտպանության նախարարության բյուջեի միջոցները «Ասքեր-Ղուրուլուշ» («Ռազմական շինարարություն») պետական ձեռնարկության միջոցով փոխանցում էին մասնավոր ֆիրմաների հաշիվներին՝ «անձնական հարստացման նպատակով»: