![](img/news/29/04/05/default.jpg)
Ղազախստանի նախագահ Նուրսուլթան Նազարբաեւն օրենք է ստորագրել Առեւտրի համաշխարհային կազմակերպության (ԱՀԿ) հիմնադրման վերաբերյալ Մարակեշի համաձայնագրին միանալու մասին, տեղեկացնում է պետության ղեկավարի մամուլի ծառայությունը։
Ղազախստանի՝ ԱՀԿ-ին անդամակցելու վերաբերյալ արձանագրությունը Ղազախստանն ու կազմակերպության անդամները ստորագրել են ընթացիկ տարվա հուլիսի 27-ին։ Հետագայում այդ փաստաթուղթը վավերացվել է երկրի խորհրդարանի կողմից, փոխանցում է ՏԱՍՍ-ը։
Ավելի վաղ հաղորդվել էր, որ Ղազախստանին ԱՀԿ-ի կազմում ընդունելու որոշումն ուժի մեջ կմտնի ինքնաբերաբար՝ վավերացման մասին տեղեկացումից մեկ ամիս անց։ Այդ պահից Ղազախստանը կդառնա ԱՀԿ-ի 162-րդ անդամը։